АЖЛЫН БАЙРЫГ ДЭМЖИХ ХӨТӨЛБӨР
Хувиараа болон нөхөрлөл, хоршооны хэлбэрээр аж ахуй, бичил бизнес эрхлэн үйлдвэрлэл, үйлчилгээ эрхлэгчдийг санхүүгийн болон бусад дэмжлэг, арга хэмжээнд хамруулж, байнгын ажлын байр бий болгох, ажил олгогчид урамшуулал олгох, ажлын байрыг хадгалах, ажил хайгч, оюутан, мэргэжлийн боловсрол, сургалтын байгууллагад суралцагчийг түр ажлын байраар хангаж, орлого нэмэгдүүлэх зорилготой.
Хэрэгжүүлэх арга хэмжээ:1
Эргэн төлөгдөх санхүүгийн дэмжлэг олгох арга хэмжээг зохион байгуулах
Аж ахуй, бичил бизнес, үйлдвэрлэл, үйлчилгээ эрхлэх хүсэлтэй 35 ба түүнээс дээш насны хөдөлмөрийн насны иргэний төслийн хэрэгжих үндэслэлийг харгалзан шалгаруулж 3.0 хүртэл сая төгрөгийн эргэн төлөгдөх санхүүгийн дэмжлэгийг 24 сарын хугацаатай нэг удаа олгоно.
/Гадаадад ажиллаж амьдарч байгаад ирсэн иргэн өөрийн эзэмшсэн мэргэжил, ур чадварын дагуу гарааны бизнес эрхлэх хүсэлт гаргасан бол төслийн хэрэгжих үндсэлэлийг үнэлэн шалгаруулж 5.0 хүртэл сая төгрөгийн дэмжлэгийг эргэн төлөгдөх нөхцөлтэйгээр нэг удаа олгоно./
Хамрах хүрээ:
- Аж ахуй, бичил бизнес болон нөхөрлөл, хоршооны хэлбэрээр үйлдвэрлэл, үйлчилгээ эрхэлж буй 35-аас дээш насны иргэн
Хэрэгжүүлэх арга хэмжээ 2:
Аж ахуй эрхлэлтийн сургалт зохион байгуулах
Аж ахуй эрхлэлтийн сургалтад аж ахуй, бичил бизнес эрхлэгч иргэн болон жижиг зээл, эргэн төлөгдөх санхүүгийн дэмжлэгт хамрагдахыг хүссэн иргэд хамрагдана.
Хамрах хүрээ:
- Аж ахуй эрхлэлтийн сургалтад аж ахуй, бичил бизнес эрхлэгч иргэн болон жижиг зээл, эргэн төлөгдөх санхүүгийн дэмжлэгт хамрагдахыг хүссэн иргэд
Хэрэгжүүлэх арга хэмжээ:3
Борлуулалтын болон ажлын байрны түрээсийн төлбөрийн дэмжлэг үзүүлэх арга хэмжээг зохион байгуулах
Хөдөлмөр, халамжийн үйлчилгээний газар нь хувиараа хөдөлмөр эрхлэгч иргэдийг дэмжих зорилгоор иргэний үйлдвэрлэсэн бараа, бүтээгдэхүүнийг борлуулах цэгийг ажиллуулна. Үйлдвэрлэл үйлчилгээний зориулалтаар тасралтгүй 12 сараас дээш хугацаагаар байнгын ажлын байр түрээслэн үйл ажиллагаа явуулж байгаа ХЭДС-гийн арга хэмжээнд хамрагдсан иргэдэд түрээсийн гэрээ, холбогдох баримт бичиг, ажлын байрны түрээсийн төлбөр төлсөн баримтыг үндэслэн төлбөрийг нөхөн олгоно.
Ажлын байрны түрээсийн төлбөрийн хөнгөлөлтөд хамрагдсан иргэн 36 сарын хугацаанд энэхүү хөнгөлөлтөд дахин хамруулахгүй.
Хамрах хүрээ:
- Үйлдвэрлэл үйлчилгээний зориулалтаар тасралтгүй 12 сараас дээш хугацаагаар байнгын ажлын байр түрээслэн үйл ажиллагаа явуулж байгаа ХЭДС-гийн арга хэмжээнд хамрагдсан иргэд
Хэрэгжүүлэх арга хэмжээ 4:
Ажил олгогчийг дэмжих арга хэмжээг зохион байгуулах
1. Хөдөлмөр эрхлэлтийн байгууллагад бүртгүүлэн, ажил идэвхтэй хайж байгаа боловч 6 сараас дээш хугацаагаар ажил олж чадахгүй байгаа иргэнийг ажилд авч, 12 сараас доошгүй хугацаагаар байнгын ажлын байраар хангасан ажил олгогчид хөдөлмөрийн хөлсний доод хэмжээг 12 дахин нэмэгдүүлсэнтэй тэнцэх хэмжээний урамшууллыг бий болгосон байнгын ажлын байраар тооцож, ажил олгогчид нэг удаа олгоно.
2. Хөдөлмөрийн насанд хүрээд асрамжийн газраас гарсан болон хорих ангиас суллагдсан иргэнийг ажилд авч, 12 сараас дээш хугацаагаар үргэлжлүүлэн байнгын ажлын байраар хангасан бол нэг жилийн цалин хөлстэй тэнцэх хэмжээний санхүүгийн дэмжлэгийг бий болгосон байнгын ажлын байраар тооцож, ажил олгогчид нэг удаа олгоно.
Хамрах хүрээ:
- Ажил олоход хүндрэлтэй иргэнийг ажлын байраар хангаж буй ажил олгогч байгууллага
Хэрэгжүүлэх арга хэмжээ 5:
Нийтийг хамарсан ажил зохион байгуулж, түр ажлын байраар хангах арга хэмжээ.
Нийтийг хамарсан ажлыг зохион байгуулах төслийн хүрээнд байгалийн гамшиг, гэнэтийн болон давагдашгүй хүчний шинжтэй бусад нөхцөл байдлын улмаас үүссэн хор уршгийг арилгах, нөхөн сэргээх, нийтийн эзэмшлийн гудамж, зам, талбайд бүтээн байгуулалт хийх, сайжруулах, тохижилт хийх, хог хаягдалгүй байлгах, байгаль орчныг хамгаалах, ой цэвэрлэх, мод тарих, голын ай сав, үер усны даланг цэвэрлэх, усны нөөц сан байгуулах, засварлах зэрэг үйл ажиллагааг гүйцэтгэж болно.
Хамрах хүрээ:
- Ажилгүй иргэн, орон нутгийн иргэдийн бүлэг,
- Ажил хайгч иргэд, их дээд сургууль, мэргэжлийн боловсрол, сургалтын байгууллагын оюутан, суралцагч
Хэрэгжүүлэх арга хэмжээ 6:
Бүлгийн эохион байгуулалттайгаар хүнсний ногоо тариалах арга хэмжээг зохион байгуулж орлогын дэмжлэг үзүүлэх
Иргэдийг булгийн зохион байгуулалттайгаар хүнсний ногоо тариалах арга хэмжээнд хамруулан сургаж, орлогоор дэмжинэ.
Арга хэмжээний хүрээнд иргэдийн хураасан ургацыг хамрагдсан иргэдэд олгох бөгөөд зарж, борлуулахад чиглэсэн нэгдсэн арга зохион байгуулж болно.
Хамрах хүрээ:
- Хүнсний ногоо тариалах хүсэлт гаргасан иргэн, иргэдийн бүлэг
