Дэлгэрхаан сумын хөдөлмөр эрхлэлтийг дэмжих хөтөлбөрт хамрагдсан Ж.БАТЧУЛУУН

Иргэн Ж.Батчулуун "Ган хийц" төслөөр Хөдөлмөр эрхлэлтийг дэмжих сангаас хэрэгжиж буй  ажлын байрыг дэмжих хөтөлбөрт хамрагдан 3,0 төгрөгийн санхүүгийн дэмжлэг авч төслийг хэрэгжүүлснээр  өрхийн орлогоо нэмэгдүүлж,  амьжиргаагаа дээшлүүлэн,  тогтмол ажлын байртай  болсон.

Төслийн  санхүүжилтээр  OSB  хавтан, панер,труба, вакум цонх, хаалганы хээнүүд, зөөлөвч, будаг зэрэг материалуудыг худалдан авсан.

Сумын иргэдийн захиалгаар гэрийн хаалга, хашааны хаалга, зөөврийн сууц зэргийг хийж борлуулснаар сарын тогтмол орлоготой болсон.

Иргэн Л.Мөнххэрлэн 2018 онд хөгжлийн бэрхшээлтэй иргэний ажлын байрыг дэмжих хөтөлбөрийн 2,0 сая төгрөгийн санхүүгийн дэмжлэгт хамрагдаж  үйл ажиллагаагаа эхлүүлж иргэдийн захиалгаар дээл, элгэвч, нэмнээ, хөвөнтэй бээлий зэргийг хийж  өрхийн орлогоо нэмэгдүүлэн, ажлын байраар хангагдан ажиллаж байна. Төслийн санхүүжилтээр  дээлний өнгө, дотор, оёдлын машин, уурын индүү худалдан авсан. Эргэн төлөлтийг цаг хугацаанд нь  барагдуулж байна.

"Уран гар" төслөөр иргэн П.Амармаа Хөдөлмөр эрхлэлтийг дэмжих сангаас хэрэгжиж буй  ажлын байрыг дэмжих хөтөлбөрт хамрагдан 2,0 төгрөгийн санхүүгийн дэмжлэг авч төслийг хэрэгжүүлснээр  өрхийн орлоготой болж,  амьжиргаагаа дээшлүүлэн,  тогтмол ажлын байртай  болсон. Төслийн  санхүүжилтээр оёдлын хөл машин, уурын индүү,  дээлийн өнгө, дотор, эмжээр,  утас, цавуу, наалт, нэхий, хурганы арьс зэргийг худалдан авсан. Арьс нэхийгээ шүүдэн элдэж иргэдийн захиалгаар  хурган дээл, хөвөнтэй дээл, нэхий дээл зэргийг хийж борлуулан  ажиллаж байна.