МАЛЧДЫН ХӨДӨЛМӨР ЭРХЛЭЛТИЙГ ДЭМЖИХ ХӨТӨЛБӨР

 Залуу цөөн тооны малтай иргэдэд мал маллагааны арга ажиллагааны болон аж ахуй эрхлэх ур чавдар олгох, малжуулах арга хэмжээг хэрэгжүүлж өрхийн орлогыг нэмэгдүүлэх зорилготой.

Хэрэгжүүлэх арга хэмжээ 1:
Малчин өрхийг малжуулах арга хэмжээг зохион байгуулах
Малжуулах арга хэмжээнд хөдөлмөрийн чадвартай, 15-39 насны 2-оос доошгүй гишүүнтэй, бог малд шилжүүлснээр 200 хүртэл толгой малтай “малчин” өрхийг хамруулна. Арга хэмжээнд 150 хүртэл толгой малтай бол 5,0 сая төгрөг, 151-200 хүртэл толгой малтай бол 4.0 сая төгрөгөнд мал худалдан авч малжуулна. Уг арга хэмжээг аймгийн Хөдөлмөр, халамжийн үйлчилгээний газар зохион байгуулна. Санхүүгийн дэмжлэгийг мал худалдан авч өгснөөс хойш 36 сарын дотор хуваарийн дагуу 100 хувь эргүүлэн төлнө.
Хамрах хүрээ:
- 15-39 насны 150-200 хүртэл толгой малтай малчин өрх
 
Хэрэгжүүлэх арга хэмжээ: 2
Мал аж ахуй эрхлэлтийн сургалт, туршлага солилцох уулзалт, арга хэмжээг зохион байгуулах.
Туршлагатай сайн малчдаас суралцах, туршлага солилцох, дэлгэрүүлэх зорилготой уулзалт, хэлэлцүүлгийг тухайн жилд хуваарилагдсан төсөвт багтаан Хөдөлмөр эрхлэлтийн салбар зөвлөлөөр батлуулан зохион байгуулж болно. Малчин өрх нь малжуулах арга хэмжээнд зөвхөн нэг удаа хамрагдана
Хамрах хүрээ:
- Хөтөлбөрт хамрагдах хүсэлт гаргасан 15-39 насны 150, 200 хүртэл толгой малтай малчин өрх