Ажлын байрыг дэмжих төсөл Баян-Адарга сум
2017 онд Дуурлиг багийн иргэн Ч.Дамдин-Очир Хөдөлмөр эрхлэлтийг дэмжих сангийн Ажлын байрыг дэмжих төсөлд хамрагдаж, "Гагнуур, авто засвар, авто угаалга"-ын чиглэлээр 3.000.000 төгрөгийн санхүүжилт авч төслийг амжилттай хэрэгжүүлж байна. Зээлд хамрагдсанаас хойших хугацаанд авто машины тос солих, хийн гагнуур, машин угаах, өрхийн хашааны төмөр хаалга хийх зэрэг ажлуудыг хийж гүйцэтгэн төслийг зориулалтын дагуу амжилттай сайн хэрэгжүүлж ард иргэддээ хөнгөн шуурхай, чанартай үйлчилгээг үзүүлэн ажиллаж байна. Зээлийн эргэн төлөлтийг цаг хугацаанд нь төлж байгаа болно.
Аж ахуй болон өрхийн үйлдвэрлэл эрхлэхэд зориулан зээл авсан Дуурлиг багийн иргэн З.Авирмэд төслийг амжилттай сайн хэрэгжүүлж байна. З.Авирмэд төслийн санхүүжилт болох 1.000.000 төгрөгөө өөрийн нөөц боломжиндоо тулгуурлан гэр бүлийн хүмүүсийн хамт төмс хүнсний нарийн ногоо болох шийгуа, өргөст хэмх , улаан лооль, байцаа зэрэг нарийн ногоог өөрийнхөө хийсэн гар хүлэмжинд амжилттай сайн тариалж эхлүүлж байсан бол одоо зориулалтын хүлэмжтэй болсон. Ургацаа хураан авч өөрийн хэрэгцээгээ хангаад зогсохгүй, сумын иргэдийн хүнсний хэрэгцээнд борлуулж байна.
2018 онд Хөдөлмөр эрхлэлтийг дэмжих сангийн Ажлын байрыг дэмжих төсөлд хамрагдсан Дуурлиг багийн иргэн Т.Наранмижид оёдлын чиглэлээр 2 сая төгрөгийн дэмжлэг аван үйл ажиллагаагаа амжилттай хэрэгжүүлж байна.
Тэрээр захиалгаар оёдлын үйлчилгээ үзүүлэхээс гадна гэрийн бүрээс, цаваг, өрх, хаалганы дулаалга, машины дулаан хучлага, үдийн цайны сурагчдын аяга тавагны уут, үндэсний хувцас урлаж иргэдэд үйлчилж байна. Орон нутгаас зохион байгуулсан Намрын баяр - 2018 үзэсгэлэн худалдаанд амжилттай оролцсон бөгөөд оёсон бүтээгдэхүүнүүд нь иргэдийн талархлыг хүлээж байлаа.
2018 онд Хөдөлмөр эрхлэлтийг дэмжих сангийн Ажлын байрыг дэмжих төсөлд хамрагдсан Сайхан багийн иргэн Х.Мөнхжаргал Хүнсний ногоо тариалах чиглэлээр 2 сая төгрөгийн дэмжлэг аван үйл ажиллагаагаа амжилттай хэрэгжүүлж байна.
Адарга багийн нутаг Дундахын адагт 50 сот газарт 11 төрлийн хүнсний ногоо тарьж төмс 3 тн, нарийн ногоо 1,5 тн хураан авч зах зээлд борлуулж төслийн үр дүн, ашиг шимээ хүртэж эхэллээ. Ногоогоо жижиглэнгээр худалдан борлуулахаас гадна хөдөөгийн малчдад хонь ямаагаар борлуулах өрхийн амьжиргаагаа нэмэгдүүлсэн байна. Мөн намрын баяр - 2018 үзэсгэлэн худалдаанд амжилттай оролцож тариалсан хүнсний ногоонууд болох байцаа, сонгино, улаан манжин зэрэг нь аварга ногоогоор шалгарсан амжилттай ажиллаж байна.
2018 онд Хөдөлмөр эрхлэлтийг дэмжих сангийн Ажлын байрыг дэмжих төсөлд хамрагдсан Адарга багийн иргэн С.Гантулга цагаан идээний чиглэлээр 2,0 сая төгрөгийн дэмжлэг аван үйл ажиллагаагаа амжилттай хэрэгжүүлж байна. Өөрийн өрхийн нөөц бололцоондоо тулгуурлан цагаан идээ боловсруулж өрхийн амьжиргаагаа нэмэгдүүлэн ажиллаж байна. Улирлын ажил учир одоогоор үйл ажиллагаа зогсонги байдалтай байна.
Адарга багийн иргэн Ц.Буянжаргал нь 2018 онд ХБИргэдийн ажлын байрыг дэмжих хөтөлбөрт хамрагдаж 1,5 сая төгрөгийн дэмжлэг авч Цагаан идээ боловсруулж /ааруул, тараг, өрөм, бяслаг, цөцгий, аарц, ээзгий, шимийн архи/ зах зээлд борлуулж өрхийн амьжиргаагаа дээшлүүлэн ажиллаж байна.
2018 онд Хөдөлмөр эрхлэлтийг дэмжих сангийн 5 сая төгрөгийн зээлд хамрагдсан Ю.Ариунжаргал нь Дуурлиг багийн нутаг Гацаа гэх газар аялал жуулчлалын чиглэлээр үйл ажиллагаа эрхлэдэг. Улирлын шинжтэй ажил учир одоогоор үйл ажиллагааг зогсонги байдалтай байна.
